ಎಸ್. ಜಿ. ರಘುರಾಮ್

ಸುಗಮ ಸಂಗೀತ   ಕಲಾವಿದರಾಗಿ ರಾಜಸ್ಥಾನದ ಜೈಪುರದಲ್ಲಿ ನಡೆದ ಅಖಿಲ ಭಾರತ ಯುವ ಸಮ್ಮೇಳನದಲ್ಲಿ ಜಾನಪದ ಸಂಗೀತ ತಂಡದ ನಿರ್ದೇಶಕರಾಗಿ ಕರ್ನಾಟಕವನ್ನು ಪ್ರತಿನಿಧಿಸಿದ್ದರು. ಸಂಗೀತ ರೂಪಕಗಳನ್ನು ಬರೆದು ನಿರೂಪಿಸುತ್ತಿದ್ದರು. ಆಕಾಶವಾಣಿ ಆಯೋಜಿಸಿದ ಭಾವಗೀತೆ ಸ್ಪರ್ಧೆಯಲ್ಲಿ ಪ್ರಥಮ ಬಹುಮಾನ ಪಡೆದಿದ್ದರು. ಆಕಾಶವಾಣಿ ಕೇಂದ್ರಗಳಲ್ಲಿ ಶ್ರೇಣೀಕೃತ ಸಂಗೀತ ಸಂಯೋಜಕರಾಗಿದ್ದರು. ಕರ್ನಾಟಕದ ಎಲ್ಲ ಕೇಂದ್ರಗಳಿಂದ ಪ್ರಸಾರವಾದ 'ಝೇಂಕಾರ' ಕ್ಕೆ ಸಂಗೀತ ಸಂಯೋಜಿಸಿದ್ದರು. ಸುಗಮ ಸಂಗೀತವನ್ನು ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪ್ರಚಾರ ಮಾಡುವ   ಉದ್ದೇಶದಿಂದ ಮೈಸೂರಿನಲ್ಲಿ ಸುಗಮ ಸಂಗೀತ ಅಕಾಡೆಮಿ ಎಂಬ ಟ್ರಸ್ಟ್ ಸ್ಥಾಪಿಸಿದರು. ಇದು   ಕರ್ನಾಟಕದಲ್ಲೇ ಪ್ರಥಮ. ನಾಟಕ ಕಲಾವಿದರಾಗಿ ಆಕಾಶವಾಣಿಯ ಅನೇಕ ನಾಟಕಗಳಲ್ಲಿ ಪಾತ್ರವಹಿಸಿದ್ದರು. 'ಇಂಡಿಯನ್ ಸಮ್ಮರ್' ಎಂಬ ಇಂಗ್ಲಿಷ್ ಚಲನಚಿತ್ರದಲ್ಲಿ ಮತ್ತು ಆರ್. ಕೆ. ನಾರಾಯಣ್ ಅವರ   "ಮಾಲ್ಗುಡಿ ಡೇಸ್" ಸರಣಿಯಲ್ಲಿ ನಟಿಸಿದ್ದರು. ರ್ನಾಟಕ ಸರ್ಕಾರ ನಿರ್ಮಿಸಿದ   ಸಾಕ್ಷ್ಯ ಚಿತ್ರಗಳಿಗೆ ಧ್ವನಿ ವಿವರಣೆ ನೀಡಿದ್ದರು. ಬರಹಗಾರರಾಗಿ ತರಂಗ, ಮಲ್ಲಿಗೆ, ಸುಧಾ ಸೇರಿದಂತೆ ಕರ್ನಾಟಕದ ಪ್ರಸಿದ್ಧ ನಿಯತಕಾಲಿಕೆ ಗಳಿಗೆ   ಹಾಸ್ಯ ಲೇಖನಗಳನ್ನು ಕೊಡುಗೆ ನೀಡಿದ್ದರು. ಅವರ 'ನಗೆಗಡಲು' ಸಂಕಲನ ಕನ್ನಡ ಹಾಸ್ಯ ಸಾಹಿತ್ಯ   ಲೋಕದಲ್ಲೊಂದು ವಿಶಿಷ್ಟ ಕೃತಿ.